المسار ميديا المسار ميديا
recent

اخر المواضيع

recent
recent
جاري التحميل ...
recent

رسالة من فلسطيني الى الرئيس السيسي



أحمد دغلس

إعذرني يا سيادة الرئيس من إني  أسألك باللهجة المصرية المكسرة المحشية  بشوية فلسطينية من اصول عربية سورية كنعانية حتى نفهم كيف بدك تعمل لسعادتنا نحن الفلسطينيين ...؟!

يا سيادة الرئيس " معلش " إن اقتبست شوية ثقافة مصرية بلغة مصري كبير الأديب الراحل نجيب محفوظ عندما وجه رسالة الى الله عز وجل   مخاطبا الله كاتبا  " عارف انك موجود واقرب من حبل الوريد ليا ومؤمن بعظمتك ورحمتك  " انتهى الإقتباس ...،

  لكن بس انا مًعول عليك يا سيادة الرئيس انا الفلسطيني المسخم لأنو بنشوف فيك جمال عبد الناصر واكثر.

عاتبين على حضرتك لأنك سايب شوية صيع  متاسلمين  بتكلموا معاك عن قضية فلسطين إللي لو صار مِثل ما بدهم لكانت مصر وغيرها مش مصر إللي إحنا عاوزينها وبنحبها 

يا سيادة الرئيس مش فاهمين سر تِقريصك بخد وكتاف معارضينا إللي إنقلبوا علينا  وعليك ,,,, !! وجرجروا جثث شهدائنا ورموا احياء مناضلينا من السطوح حتى يتفتفتوا  وكمان ما تنساش سينا ...، حضرتك بتقابلهم وبتحكي معاهم وبتسهلهم أن يكونوا شوية وأكثر من شوية بالفلسطيني تحت مسمى التهدئة بإكوسترا  افلام باب الحارة السوري وشوية من درامات عادل إمامكم .

للتو خلصت من سماع كلمة رئيسنا ابو مازن في إجتماع المجلس المركزي وشوفت قديش هو زعلان ومهموم لأنو الدرامات السياسية  اصبحت اهم بكتير من القضية الفلسطينية لكن ياسيادة الرئيس برضيك بتاعون حماس يروحوا لإسرائيل ويعملوا إمارة بِحدك وكمان بتعتقد انو برضي صلاح الدين الأيوبي يعمل تهدئة والقدس رايحه ...؟!  اخاف يجينا في منامنا ويبهدلنا

وكمان يرضي سيادتك  إنو بكره في غزه تنتصب  " ألأكشاش "  ميشان الفتاوى  إللي تقول لنا كيف ( نطرطر )   واكتر منو كيف ندخل الكانيف – ولا مؤاخذه – بالرجل الشمال ولا اليمين كما كتب نجيب محفوظ برسالته لله وعز وجل اول ايام حكم السادات ...؟!

برضى حضرتك يا سيادة الرئيس ان يتعامل معك الغير بمثل ما بتتعامل معنا بحماس ...؟! لكن إحنا  يا سيادة الرئيس حنبقي مع مصر بأقرب من بعد السكة ودايما حنبقي مع مصر  إخوتنا لأنو  ما ننساش انو صلاح الدين حرر القدس بجيش  من مصر  لا زالت احفادهم وأحفاد احفادهم  بينا ومنا بتحارب ضد اسرائيل .

مع اطيب التحيات

التعليقات